هذيان

هذيان الكلمات ثمالة الروح و وجع القلب و ملهمتى متمردة تعربد فى رأسى و تعبث بكلماتى تعيد ترتيبها كما تشأ. وقفت بسيارتى على حافة الصحراء المترامية الاطراف تنادنى الصحراء اترجل من السيارة و اتوغل داخلها اسير و احس بلهيب الشمس يلفح وجهى و حرارة الرمال تحت قدماى تدعونى الرمال لكى استلقى عليها انام اشعر براحة على الرغم من قسوة حرارتها اشعر كانى انصهر اذوب و تذوب كل الالام معى اغمض عيناى. فجأة تختفى حرارة الرمال و خشونتها من تحتى و يحل محل رائحة الصحراء رائحة اخرى اعرفها جدا افتح عيناى اجد نفسى فى فراشى و حبيبة عمرى تنظر لى و تحاول ان توقظنى و تبتسم ابتسامة يبتسم فيها العالم كله لى و تعدل نفسها فجأة و تمد يديها لى اغمض عيناى و اتمتم فى سرى لا تفعلى بى هذا الان انا اخونك. يختفى الاحساس بيديها و يظهر صوت اغانى وضحكات فى الخلفية و احس بملمس جلدى بين يديى افتح عيناى اجدنى اقود سيارتى مرة اخرى و اصدقائى معى يتحدثون و يمزحون اشعر ان عقلى الباطن يمارس الاعيبه معى و يشكف كل اوراقه و اسراره و احاول ان اتحدث معهم التفت اليهم و لكن صوتى لا يستجيب لى و فجأة يصرخون فى حاسبى حاسبى انظر امامى و اجد سيارة نقل ضخمة تقف اغمض عيناى و لا افتحها ثانيا هذة المرة.

دعارة

السحر بكلمات الهوى ابيع كلماتى لمن يدفع الثمن لمن يحتاج لصحبة تكون معه من يحتاج حضن يحتمى به الدعارة ليست جسد يباع فقط بل الدعارة دعارة روح دعارة احتياج لجسد نلتصق به نحتمى به من غربة توحشت داخلنا ابيع الوهم مقابل صحبة ابيع كلمة احبك مقابل ليلة دافئة وسط عمر قارص البرودة.

addict

The first step to cure addiction is to admit that you are addict so I stand up and say I am addict to her yes to her. What is addiction it is something that takes you from your life and that is what she did to me I cant sleep I cant work I cant eat I am dragged away for my world and precious ones, and when I am not with her I am with her in my mind. The longer she is away the more I feel life is drained from my soul and it only comes back with her. This is addiction, it steals your life and make you risk every thing to get what grieve, put all your life in a hand of stranger and I do admit I am addict but I don’t want to be cured I will wait till my addiction kills me.

رنة موبيل

احتضن الموبيل واداعبه كما لو كنت ساداعب يدايكى انظر الى شاشته كما لو كنت سانظر الى عينيكى اقرا رسائلك كما لو كنت اسمتع اليكى انتظر بلفهة رنة تبلغنى انك هناك فى مكان ما تفتقدنى تبحثين عنى و تنادينى و لكن اليوم هاتفى اخرس لا ينطق و لا يضىء باسمك كم اعشق ان انظر الى اسمك على شاشته و لا اسرع بالرد حتى اراه فترة اطول كى اصدق انك حقا تنادينى و تريدينى. كل ما يريطنى بك هو رنة موبيل و اليوم انت بعيد بعيد كانك كنت وهما ابتدعته حبييتى كم انت بعيدة و كم هى بعيدة الجنة

تأتى

تأتى من هناك حيث ياتى القمر تأتى من هناك مع حبات المطر تأتى هادرة كالرعد حمقاء كطفلة متمردة اروضها بهمسات الهوى فتعود رقيقة كقطر الندى خجولة كزهرة برية حلوة كفطيرة سكر. حبيبتى تأتى من هناك حيث تسكن الجنيات وتولد الفراشات حبيبتى كقبعة ساحر مليئة بالمفأجأت. و انا انسج لها من كلماتى وردة و قلب مخملى و فراش وردى لتنام امواجها على شطأنى و تمتزج بكل كيانى و تتوهج نارها فتذيب احزانى فاهجر ساعات السفر و اسكن ثانيا قلبها و تصير حروف اسمها عنوانى.

اليويو

حبيبتى تربطنى حول اصابعها كلعبة اليويو بحركة اصبع ترفعنى الى السماء و باخرى تلقى بى الى اعماق الارض و بين تلك و تلك تبقينى قليلا بين راحتها تحتضنى حتى انس لدفء يديها و ما اكاد افعل حتى تعود و تلعب بى مرة اخرى و انا بين اصابع حبييتى كلعبة اليويو

اعترافات

الششششششششششششش اللى فات دى كان سببها انى اغمن عليا مع ان انا دماغى مصفحة بس الراجل ده ايده طرشة المهم خير اللهم ما اجعله خير انا لقيت نفسى فى مكان تانى اظن هى دى اللى بيقولوا عليها زنزانة بس ديكورها ظريف الحكومة عمالة الحيطة منقط ابيض و اسود هى الاضاءة مش و لابد بس اكيد الحيطة منقطة و فجاءة دن دن دن (دى الموسيقى التصويرية او فى رواية اخرى دقات قلبى من الرعب) اتفتح الباب قو م ايه القى ان النقط دى سيادتك قبائل من الصراصير بكل الاحجام و الاشكال. و قبل ما افوق من الصدمة كان فى ايد جابتنى و حدفتنى بره و ادخلتنى الاودة اياها تانى و جاء الصوت العاتفى اللى سمعته قبل كده يسالنى ايه الاخبار ؟
والله سيادتك انا كان نفسى بس ارجع الزنزانة تانى علشان اكمل الدراسة العملية للمراحل السنية المختلفة للصرصور هو سيادتك الصراصير اللى جواه دى عهدة و الله نزلاء زينا كده. بس و لو سيادتك مصر انى اروح اروح و الله فرصة لطيفة انى اتعرفت على سيادتك و سلامى للمدام و الاولاد و ابقوا تعالوا قضوا معنا يوم واوله كده ماشى اوكيه. الباشا ريح ايده على كتفى و انا استريحت مع ايده على الكرسى.
بصى بقى الهبل و العبط ده مش هينفع معنا و احنا عارفين انك جاسوسة و ان البلوج ده غطاء و الاقنعة و الالغاز اللى بتكتبى بها هى مجرد شفرة و احنا عارفنا نفكها و فهمنا كل حاجة .
انا طبعا فتحت بقى و تنحت و مخى شغال : اده انا طلعت جاسوسة و انا معرفش انا فعلا كنت شاكة فيا بقالى فترة تصرفاتى مريبة و ازاى عرفوا يفكوا الشفرة ده انا نفسى لحد دلوقتى موش بفهم نص اللى بكتبه
و فى محاولة اخيرة لفهم الموضوع بص ياباشا انا طول عمرى ماشية جنب الحيط و فى اوقات اكتر جواه الحيط و وراه كمان فى يوم طقت فى نافوخوى اعمل بلوج علشان اخرف فيه مع نفسى و موضوع الاقنعة و الكلام المستخبى ده و لا شفرة و لا حاجة انا بصراحة اخترعت اللعبة دى علشان لما اقرب من حد او حد يقرب منى اكون فى حاجة متحمية فيها يقوم لو طلع اى كلام يبقى انا ماتجرحش اصل لو انا مش انا يبقى ازاى هتجرح و الكلام ده كله مافوهوش غير شفرة و احدة بس شفرة هى انى كنت مجروحة من قلب و بدور على قلب يداوى جرح القلب الاولانى بس القلب التانى انا خفت منه قوى و اصل هو كمان مجروح من قلب تانى و ساعات المجروح بيجرح اكتر منى اى حد تانى وبعدين الموضوع كبر لان القلب الاولانى اللى جرحنى رجع تانى يصالحنى بس ازاى الواحد يخليى كل القلوب دى اه اه انا كمان مقلتش لسيادتك على القلب اللى جه فى النص ده بقى حكايته حكاية و انا طبعامستمرة احكى فى حكاوى القلوب اللى عرفتها سمعت الباشا بيقول فى اللاسلكى يا باشا البت بتاعة الجاسوسية دى لا طلعت جاسوسة و لا حاجة دى طلعت مجنونة لا يا فندم مش يتدعى الجنون دى مجنونة بجد و بتقول كلام غريب ..... حاضر يا فندم هاحولها على العباسية.

HOME

Laying on my bed starring at the ceiling my eyes surf everything around me in the room all these things that used to be warm, intimate and sheltered me from all my fears before are now bizarre, silent, cold and doesn’t tell me anything about any thing as if the walls of my home stopped loving me. I am laying there in my bed, in my room, at my home yet I long to go home.

اعترافات

غرفة شبة مظلمة لمبة معلقة فى المنتصف تتدلى فوق مائدة خشبية متهلكة وانا ملقاة على كرسى خشبى يتراقص من تحتى افوق من اغماءة لم اعرف كم دامت على صوت خشن ينادينى باسمى المستعار من البلوج ارفع راسى و ادرك انى فى مكان لم اتى اليه بارادتى واتسائل انا فين ؟ انتى ضيفتنا شوية عازوين منك كلمتين ؟
اجيب ماشى بس انتوا مين الاول يجىء الرد على هيئة خبطة على المائدة يتبعها شخطة مش مهم احنا مين المهم انك تتعاونى معنا لو عاوزة تمشى من هنا بدرى . ارد سيادتك انا تحت امرك بس ايدك تتعور كده و بعدين الترابيزة دى سنيهه و انتيك و على ما اظن عهدة حكومية فبشويش عليها .
الهزار انا دائما ما اكثر من الهزار فى المواقف الحرجة فى حياتى لا اعرف ان اواجهة القلق او الخوف او الحزن الا بالضحك و للاسف ده ساعات بيزود المشكلة مش بيحلها بس هى االطريقة الوحيدة الى اقدر احافظ بها على هدوئى و اعرف افكر صح و اتعامل مع الموقف صح.
فقت من تحليلى لشخصيتى على الم شديد اظن ان سببه صفعة على خدى و اذنى تماسكت قليلا ثم علقت هو سيادتك مقاس ايدك كام ؟ دى حاجة عظيمة خالص جبت وشى و دنى فى طلعة واحدة حقيقى اعجاز.
ماشى يا خفيفة لو عاوزة من ده تانى يبقى بلاش تتعاونى معنا . رديت هو انا سيادتك قلت لاسمح الله انى مش هتعاون ده انا هاتعاون وا تعاون و اعمل جمعية تعاونية كمان لو تحب. بس اتعاون ازاى و ليه؟
و طول مانا بتكلم و انا مخى شغال مين دول بوليس و لاامن دولة ولا الهكسوس و ايه الى عملته؟
الباشا قطع حبل افكارى ( الواد ده مزعج كل ما اعقد اتكلم مع نفسى شوية يعكننن عليا) بصوته الرومانسى تانى و قال طب مادام هتتعاونى يبقى المعاملة هتختلف خالص تحبى سيجارة علشان تعدلى دماغك و نعرف نتكلم؟
مرسى انا ماليش فى السجاير . الباشا يضحك يا شيخة امال قصة السيجارة و الكبريت دى ايه يا حلوة؟
اه ده كلام مجرد كتابة انا كاتبة ممكن اكتب على اى حاجة تيجى فى دماغى .
بصى الحركات دى مش هتنفعك و خدى السيجارة. ارد بص سيادتك انا لو خد السيجارة يبقى هنطلع على المستشفى على طول علشان انا صدرى ميستحملش الدخان.
طب مين كان هيجيبلك الحشيش اللى هتطلعوا به المقطم ؟ شفتى بقى احنا عارفين كل نشاطك ازاى ؟ احنا مافيش حاجة تستخبى علينا .
الراجل ده يبان عليه اهبل نشاط يه انا ماليش اى انشطة يا فندم ده كله كلام بص سيادتك فى ناس بتكتب يوميات و فيه ناس بتكتب خواطر و فيه ناس بتكتب و بس مجرد كلام بيطق فى دماغها و انا من النوع الاخير باكتب حاجات يمكن ساعات اكون عشت مواقف قريبة منها او شفتها فى تجربة حد تانى بس باختصار انا بياعة كلام و بعدين انا معرفش شكل الحشيش ايه و لا حتى المقطم حتى بيطلعولو منين.

طب و الاقنعة دى اللى مرميمه عندك فى كل حتة ؟ و اقترب منى قوى و قال وبنرة مختلفة انتى جاسوسة يا بت؟
بس سيادتك الاول شوية كدة علشان النفس اصل مناخير سيادتك مشاء الله عليها كينج سيز بتتشفط الهواء كله
الاقنعة دى عاوزة قاعدة و كوبيتن شاى او كايتشينو لو ينفع.
(انتى هتلعبى عليا يا بنت ( صفارة تم وضهعا بمعرفة الرقابة للمحافظة على الحياء العام
لا احنا اسلوب كلامنا اتغير خالص و ده مش فى مصلحة التحقيق هتشتم انا مش هارد عليك و بعدين انت طايح
فى كده و نازل اسئلة فيا و ضرب و شتيمة و انا اساسا ماعرفش انت مين و لا اساسا انت نفسك كنت فين ساعة و قوع الجريمة اقو ل انطق يا كلب . ده انا اتهبلت صرخت فى الراجل ابو ايد طرشة ساعات باتهور كده و اندم بس اللى حصل حصل ششششششششششششش ده الى حصل بالضبط صمت حاد هل ده لان سيادته كان ساكت فعلا و لا لان القلم اللى نزل بيه على وشى خرم طلبة ودنى ده اللى هنعرفه الحلقة الجاية

فاصل اعلانى و نعود

My princess I kneel in front of you and I lay down my heart under your feet if you accept it I vow I will be your guarding angel I will follow wherever you go I will relive with you every fairy tale ever lived or told, let us dance each magic dance that was ever danced and kiss all the magic kisses that have ever been kissed and say all the magic words that were ever spoken let us rewrite all the fairy tales with our names in them. My princess if you accept my heart I vow that I will explore your virgin land and let my tears of joy drop on your virgin land so it flourishes. Will you accept me?

الرهان

وقفت امام مائدة القمار و اخرجت كل ما معى و وضعته عليها سالنى الواقف على المائدة و الرهان على من؟ قلت له هى انا اراهن عليها هى نظر الجميع الى بدهشة ابتسمت و قلت اعلم و لكنى لا ابالى و لقد وعدتها و وعدت نفسى بانى اسير معها الطريق الى اخره ساكون لها كل ما تريد ساحكى لها كل قصص الحب المنسية واساطيره حتى الهيها عن مخاوفها من طول الطريق ساغنى لها حتى تغفو فى حضنى و اقطف من زهور الطريق لاصنع لها اعقاد لتزين جدائلها و تاج انصبها به ملكة على مملكتى الخيالية. و اذا بكت سارتشف دموعها بقبلاتى كاكسير حياة و اعيدها لها حبات ماس و مرمر لتزين بها فستانها. و حين نجلس لنستريح قليلا و ساتركها تلهو حولى و تذهب بعيدا وراء فراشات تداعبها و تعود بغضب طفولى اذا منها لم تتمكن فاروح عنها بالاعيبى و اغرقها بقبلاتى و همساتى حتى تسكن بين ذراعى واترك نفسى لها لتروى عطشها و اغرقها بحبى و انا اعلم انها باسم حبيبتها تهمس و تخفى بين جفونها صورتها تغمض عيناها لتكون معها و لها.
يطو ل الطريق و انا احاول عبثا ان افك رموز اوراقها احاول و احاول ان اتمكن من اكون كل ما تريد و تحلم ترهقنى المحاولات و لكنى لا اتوقف بل اخرج كل ما فى جعبتى من اسرار و تعاويذ و اكتب على جذوع اشجار الطريق قصتها و حتى تقراها فتفهم و لكنها تزداد حيرة . وعدتها و وعدت نفسى بانى ساحميها وانى ساحارب وحوش الطريق و اتلقى عنها الطعنات. عندما تنصل الى حيث تريد ساقف و اشاهدها و هى تختفى خلف الاسوار العالية و اعود انا لطريق خرساء طيوره و منزوعة زهوره و تنتظرنى وحوشه بفارغ الصبر.
نظرت حولى والجميع يستمع و ينتظر ان اسحب رهانى بعد ان انحدرت من عيناى دمعتين و انا احكى عنها و لكنى باتسامة واهنة قلت اراهن عليها .

اظن انه حان الوقت ان تستسلمى الى احضانى اظنه قد حان الوقت ان تعلمى انك حين تتكلمين فان صوتك يلمس قلبى كندى الصباح فتتفتح زهوره و ارغب لو ان تتحول كلماتك الى حبات مطر ارقص تحتها واضمك الى صدرى اهمس فى اذنك احبك ابقى هنا و دعنى اعلمك كيف يكون العشق دعنى اكون اول من يدخل محرابك و اخط بقبلاتى تاريخ جديد لعشق جديد ابدى دعنى اذوق رحيق زهورك البرية التى لم تلمسها يد من قبل دعنى ارسم قلبى على ظهرك و اضع عطورى على عنقك و ارى فى عيناك نار عشق يحرقنى يطهرنى من كل عشق ليست انت فيه

The pain how can I just delete the pain. How can I make my heart believe that it isn’t another lesson that he is about to learn. I play role that isn’t mine but I do all the efforts to memorize my lines, and my worst nightmare is that I freeze when I am on stage and words get stuck in my throat. I try my masks on before I go on stage I put them one by one and I revise every single word. I could feel my heart shiver in my chest like a dry tree about to lose all its leaves in a stormy winter night and trying hold on as long as it can and in sparkling light of thunder I see a hand coming I believe it will help me to stand in front of the wind yet it shakes my branches so hard that all my leaves fall down and as the light on the stage strikes my eyes all my masks fall and all my lines evaporate and my worst nightmare becomes a fact that I can t escape by waking up and the pain cant be deleted. There is no way to delete the pain.

حان وقت النكد

اقترب من سيجارتى بعود الثقاب احب ان ارقب عود الثقاب و هو يلتقط النار و يتوهج انظر الى سيجارتى و انا اقترب اليها بالعود اكاد اشعر بلهفتها بين اصابعى كانما قلبها تتسارع نبضاته اقترب ببطء و انتظر دائما ما كنت اظن ان السيجارة بها كائنات من حمقها تحلم بان تشتعل تظن ان هذا هو متنهى اللذة. لكن الحقيقة هى ان اشتعالها لا يعنى الا احتراقها و انطفائها يعنى فنائها الى الابد و الان السؤال هل اشعلها حقا كما تريد ام اتركها فى انتظار هكذا

فاصل اعلانى و نعود للنكد بكرة انشاءالله

الشنطة الفضى

عادت احدى صديقاتى من بلاد الفرنجة و تقابلنا علشان تدينى الهدية اللى جبتها لى ووقفت امامى و هى تخبىء الهدية وراء ظهرها و تبتسم ببلاهة تفتكرى جبتلك ايه؟ رديت على الابتسامة بواحدة اكثر بلاهة ايه بقى ؟ انتى عارفة انا مش بحب الطريقة دى قولى على طول.
فى حركة مسرحية اخرجت من وراء ظهرها شنطة ايد لونها فضى ترررااا فتحت بقى من فرط الدهشة و الصدمة و هى مازالت محتفظة بنفس البلاهة بس اضافت لها نظرة ترقب لرد فعلى. رد فعلى طبعا صدمة عصبية حادة انا حد يجبلى شنطة فضى دى اهانة لا يمحوها الا الدم و لعدة ثوان مخى قعد يودى و يجيب ياترى اى حتة فى شخصيتى بالضبط اللى اوحت لها انى ممكن امسك شنطة ايد فضى يمكن مودة اليومين دول بس انا بس مش فاكرة انى شفت ناس ماسكة شنط فضى قريب و طبعا مش ممكن اقهر البنت على نفسها فتماسكت و قولتها ياااى ى تجنن حقيقى هى دى الحاجة اللى كانت ناقصنى احمدك يارب عرفتى منيني يا شقية ان كان نفسى فى واحدة و نظرا انى بالغت فى رد فعلى صدقت هى و قعدت تشرح مميزات الشنطة بصى انا جيتها كبيرة علشان انتى بتحبى الشنط الكبيرة. ميرسى قوى جاء ردى و انا باقول فى سرى يارتيها كانت اكبر كنت طبقتك و حطيتك فيها و رميتكوا انتوا الاتنين فى النيل والافكار دى كلها فى دماغى و انا محتفظة بابتسامة الصداقة على وشى.
فى البيت وقفت امام المرايا احاول ادى نفسى انا و الشنطة فرصة تانية مسكتها من ايدها لا برضه ماينفعش طب اعلقها على كتفى برضه مش قادرة مش قادرة يمكن لو علقتها فى رقبتى البسها على راسى طيب بس اخيرا توصلت للطريقة المثلى للتعامل مع هذة المصبية حطتها فى كيس اسود و دفستها فى قعر الدولاب الى الابد و دى كانت نهاية الشنطة الفضى

جاءت و لا اعلم لما جاءت حبيبتى نظرت الى عيناى و اعطتنى قبلة بطعم الزهور و وقفت و انا اراها ترحل اعلم انى انا لن استطيع ان ابقيها هنا فى حضنى الى الابد اعلم انى مجرد لعبة جديدة من العابها انا مجرد حضن تختبىء فى من احزانها تاتينى كما تاتى الى حانة فى قلب الليل تتسلل و انا كالبارمان اعتدت صحبة الغرباء تجلس فى ركن بعيد مظلم يخبىء عنى ملامحها تنتظر حتى يرحل الجميع و تشير الى اقترب فى هدوء و حكمتى تحذرنى ان من ياتون الى الحانات غالبا ما يتركون قلوبهم فى اماكن اخرى .اقتر ب و توقفنى و تطلب منى انا اضع كرسى فى ظهر كرسيها وانا اجلس و ظهرى لها و اعترض بانى لن اراها فتهم بالرحيل ارجوها ان تبقى و يدور بينا الاحاديث و الليل ينسحب من تحت قدمينا و انا اسمع و اسمع كانى لم اسمع كلام من قبل و هى تشكو و تشكو من ان قلبها ليس ملكها و ان الجروح ارهقتها و جاء وقت الرحيل وقفت و طلبت منى الا استدير وقالت انها تعلم انى وحدى استطيع ان انسيها هذا القلب الذى جرحها و فى نشوة غرورى استسلمت اليها واعلنت انى سانسج لقلبها عشق يرد عنها الصقيع و انى ساكون لها فى ليال وحدتها جنى يفعل كل ما تريد ,ارسم خريطة قلبها من جديد. واخذت انتظر ان تاتى كل يوم و نجلس و انا ظهرى لها و تحدثنى و احدثها و يخدر قلبى صوتها يسلبنى عقلى ياخذ كل حكمتى يلقيها فى هوة عميقة بلا نهاية و انا لا ابالى و ترحل و تاتينى و ترحل وكل يوم تقتنص من قلبى نصر جديد تغزو من روحى ركن جديد و انا اعلم و ارى ان صارت هى جنيتى و لكنها لن تحقق لى كل ما اريد فقلبها مازال فى ذلك المكان البعيد و ما انا لا بارمان تاتيه تحت ستار الليل تغيب فى اوهام اخلقها لكى تشفى من مرض لاتريد هى ان تشفى منه و سياتى يوم و لن تعود و سابقى انا هنا وحدى على كرسى ظهره الى كرسى خالى

اقتحمتنى كما لم يقتحمنى احد من قبل احرقت اوراق اللعب و حطمت قطع الشطرنج بقدميها و كسرت رقعة الشطرنج على راسى و جلست على ساقى واجهتنى و اطفئت سيجارتها فى قلبى ثم رحلت

انا شربت حشيش يا سعاد الاخير

هل راى الحب سكارى مثلنا ترلم لم الاغنية دى قعدت تزن فى دماغى و انا بركن العربية فى حتة بعيد عن المحل اللى هاشترى منه البضاعة دخلت المحل و كعادتى كنت لما بادخل حتة كنت لسه هاقول السلام عليكم لقيت انها بايخة على المكان طب اقول مصاء الخير عالم البحار هاااهاااا لا لا انا هاقول عمت مساءا يا رجل الديك جعة و نبيذ ها هاهاها و يظهر انى ابتديت اضحك بصوت عالى فواحد من المحل جه ناحيتى و قال اقدر اساعدك سيادتك اجيب لحضرتك حاجة تنحنحت كدة و لمت نفسى و قلت له اه اكيد طبعا بس اصل انا كنت جاية اجيب حاجة صفرا بس الحقيقة لقيت عندكوا كل الالوان و انفجرت فى نوبة ضحك حادة لدرجة انى ماكنتش قادرة اقف طبعا الراجل قال ايه الولية المجنونة دى فحاولت و ا نقاذ الموقف سورى معلهش بص يظهر انى سكرت من منظر الازايز وتانى رحت ميتة من الضحك هااههههههههههه لالا شششششش امسك نفسك كدة يا راجل بلاش ضحك و الراجل واقف متنح هو حضرتك عاوزة ايه بالضبط بصيت له هههههههه تشكيلة كدة جعة و نبيذ هههههههه بس اصل انا مابشربش بص لى و ابتسم و قال واضح فمسكت نفسى من الضحك شوية و قلت لا والله انا مابشربش بس جايلى ضيوف و عايزة اكرمهم فقلت اجيب لهم بس ممكن تساعدنى اعرف اجيب ايه ؟ الراجل قعد ساعة يشرح لى الانواع و نسبة السبرتو اللى فيها و طعمها و ده يمشى مع الستات و ده يمشى مع الرجالة و انا بصراحة تهت منه و كل شوية اسخسخ منه و اقوله يا راجل حاول و فجاءة قولت طب ممكن فيروز كانز من فضلك ؟ طبعا لاقيت نفسى بره المحل و الراجل بتاع السيكيورتى بيقولى لما حضرتك تفوقى ابقى تعالى و ليه بس كدة دة انى حتى شكلك بنت ناس سكر كدة و احنا لسه فى اول الليل احسن اوقف لك تاكسى علشان ماينفعش تسوقى فى حالتك ده . بصيتله شويه و قلت ها اه احسن برضه لاحسن اعمل حادثة و لا حاجة ههههههههه ههههههه انا سكرت على الريحة ولا ايه


و دى كانت اخر محاولات الانحراف على الاقل دلوقتى و على راى الاجنداة الحمرا الصياعة لها ناسها و يظهر انى مش منهم

انا شربت حشيش يا سعاد2

نفس الملحوظة اللى فى البوست اللى فات علشان انا مابحبش الكلام الكتير

مشهد داخلى فى احد المؤسسات الحكومية

انا باغنى فى سرى طبعا حفاظا على الهيبة و الوقار فى مكان عملى الرسمى يا ليلة بيضا عفش بيتكوا ولع شرب السبرتو و نزل يطوح الاغنية هى دى اللى جت على بالى و انا فى طريقى لام رشدى و مين ام رشدى بقى ؟ ام رشدى هى الست اللى هتظبط المسائل. اصل انا سمعت ان عندنا فى الشغل واحدة ست ابنها اتمسك فى قضية و لامؤاخذة مخدرات و فقررت اروح اكلمها يمكن اقدر اطلع منها بحاجة.
صباح الخير يا ام رشدى ياترى رشدى اخباره ايه؟
اهو متلاءح فى الحبس ربنا يفك حبسه. – امين يارب انما قولولى يا ام رشدى هو رشدى ما سابش حاجة كده و لا كده فى البيت. الست ام رشدى حواجبها عملوا تامنية و مناخريها فتحت على الاخر و بصت لى حاجة زى ايه يا استاذة؟؟ اوبا ام رشدى طلعت مش من العصابة و ملهاش فى المسائل الم الدور بقى بسرعة
قصدى تكون حتة وقعت منه كدة و لا كدة لاحسن البوليس يطب يفتش و لا حاجة تروحى انتى كمان فى سين و جيم انا حبيت بس اقولك مناخير ام رشدى رجعت لحجمها الطبيعى تانى و قالت اه هو يقدر يدخل حاجة زى دى البيت ده انا كنت قطعت خبره. بس فشلت اوبريشن ام رشدى فشل ذريع و رجعنا تانى الى سكوير وان
بس كده يعنى ايه مافيش انحراف ؟ لا انا مش هستسلم بلاهة حشيش خلينا فى السبرتو قصدى المشروبات الروحية و اهى موجودة فى كل مكان دلوقتى اذن فليكن الى محل خمور و اليوم لا حشيش بس بكرة خمروون و نساء على طريقة الكفار فى الافلام الدينية.

و توبى كونتينيود
و بناءا على طلب الجماهير تيتيرات النهاية اعادة لاغنية حسرة عليها يا حسرة عليها جت راجليها ما جت راجليها

انا شربت حشيش يا سعاد 1

قبل ماحد يغلط و يقول اى حاجة او يمد ايده احب ان اوضح ان الاحداث الاتية خيالية و لا تمت ببصلة قصدى بصلة للواقع و ان اى تشابه بينها وبين الواقع هو مسئولية اللى شايف نفسه كدة و لامؤاخذة .

اليوم و كل يوم بنجاح كبير ان قررت انحرف طيب علشان الواحد ينحرف فى البلد دى يعمل ايه ؟ الغريب ان الواحد يفضل عامل نفسه اسد و ساعات الجد يبقى ميت فى جلده بس انا بجد المرة دى هانحرف يعنى هانحرف .
طيب انحرف فى الحقيقة يعنى على ارض الواقع و لاانحرف على النت برضه النت امان يعنى الواحد محدش شايفه بس انحراف النت كلام و الواحد عايز انحراف يكون كده على مستوى و يعمل دماغ كده يمكن ربنا يفتح عليه بكلمتين يكتبهم و يعمل شغل بس ربنا هيفتحها ازاى فى وش حد نفسه ينحرف ؟

طيب هانحرف فى الواقع بس هانحرف كده لوحدى منى لنفسى و دى خلقة حد ينحرف معاها برضه اذن حتما و لابد استعين بصديق بس مين بقى الصديق ده مراجعة صغيرة لقائمة الاصدقاء فى نافخوى لايوجد حد فى نطاق الخدمة قصدى مافيش حد يبدو عليه بتاع انحراف اصل اصحابى كلهم ولاد ناس طيبين و مالهومش فى اى نوع من الانحراف اقصى انحراف كان انهم مرة راحوا حفلة 9 فى السينما و انهم شربوا بيبسى ماكس ( ده اعلان مدفوع الاجر من الكشك الى تحت البيت) بالليل و معرفوش يناموا.
بعد تفكير عميق على مستوى انحرافى عال المستوى و اجتماعات متعددة الاطراف مع نفسى و نفسى الامارة بالسوء ونفس تانية كدة معرفش جت منين توصلت لهذا البيان الهام انا هانحرف و هانحرف لوحدى فى ارض الواقع و قد وقع الاختيار على انى اعمل دماغ انا (قررت اشرب حشيش (موسيقى تعبر عن الموقف و كلوز اب لا مش معجون الاسنان قصدى كلوز اب للورقة الى كتبت عليها القرار

تيترات النهاية للجزء الاول و موسيقى تصويرية من نوع حسرة عليها يا حسرة عليها