بصراحة انا قررت اخرف و بناء عليه هاكتب البوست ده خلال جولاتى التفقدية المفاجئة لاقيت ان البلوجات انواع و بما انا فاضية فقررت ا دون ملاحظاتى للزمن
النوع الاول نو ع لما تدخله كده يجيلك احساس خير اللهم ما اجعله خير انك قاعد على قهوة بلدى و ريحة الشاى بالنعناع تضرب فى نافخوك و صوت الطاولة بيرن فى ودنك و الست ام كلثوم فى الراديون و الناس رايحة و جاية و الزحمة و العيال و الباعين و تحس كدة انك حتما و لابد تطلب واحد سحلب و دومينو و انك اكيد اكيد فى مصر و هى دى مصر يا عبلة.
النوع التانى بقى نوع مختلف كومبليتلى نوع تحس وانت بتقراه انك قاعد فى كافيه و بتشرب كابتشينو و حاطط وكمان على ودانك و بتسمع سوفت ميوزيك و حواليك قطط الوان و اشكال و فى ايدك كتاب باللغة الفرنسية الفصحى و ده باعتبار انك بتعرف تتحدث الفرنسية بطلاقة و لو متعرفش بقى خد بالك لتكون ماسك الكتاب بالمشقلب و تتفضح يا حلو.
اما بقى النوع الثالث سيادتك تحس و انت بتقراه انك دخلت حته غلط و انك مش عارف تطلع منين او انك فى مولد اوفرح فى الشارع و قوم ايه واحد ادى كرسى فى الكلو ب و الناس مسكت فى بعض و انت فى النص يا اخوانا عيب مش كدة طب بلاش الالفاظ دى معانا ستات و عيال صغيرة ..... يا كابتن سيب القميص مش كده و هو انا اللى شتمتك اى اىىىى هى حصلت دة انا اساسا معرفش العالم دى بتتخانق ليه
و دى اخرة اللى يفكر يعمل جولات تفقدية و اللى يخرج من داره و انتم عارفبن الباقى
16 comments:
هو حلو التصنيف بتاعك ده
بس يهمنى اعرف البلوج بتاعى تبع اى تصنيف ؟
LOL
دمك خفيف موت
وصفك للبلوجات حلو
يارب بلوجي يكون كافيهه مش قهوه بلدي و لو انها ساعات بتحكم معايا واحد سحلب
LOL
ماتغبيش عنا ياباشا ليكي وحشه و الله
مممم لا عندك حق ربنا يستر و يكون تصنيف البلوج عندي معقول يعني ممكن يعدي و يكون مقبول و لو شايفه انه لأ حاضر و لا يهمك نغيره هههههههه
صديقتي ما هي الدنيا كده شبه البلوجات .. وكل حاجة فيها كده
شوية أوه نو وبليز وشوية جرا ايه يا سي عمر وشوية بص بقى نظريتك صحتها او دحضها يتوقف على الطريقة المتَّبَعة في تنفيذ التجربة العملية وساعات الكلام مش هيجيب نتيجة وتلاقي القميص اتقطع
(ابقي اعملي حسابك والبسي تحتيه توب ولا حاجة واستحملي الحر لو هتدخلي في خناقةوامرك لله)
ووسَّع يا جدع وحركات
بجد مبسوطة بالبوست دا اوي اوي اوي وقول يا متقال في الفصحى استاذة مش مجرد كاتبة زي ما قلتيلي مرة وفي العامي خفة دمك لا تُقارَن..
بجد سكر دايماً واهم حاجة متسكتش يا معلِّم
السيد ميراج:
ممكن سيادتك واحد كابتشيو بس بفلوفر جديد مختلف
صاحبة الاجنداة الحمرا
البلوج بتاعك محتاج تصنيف خاص به بس هو مزيج من الكافية على القهوة البلدى تقدرى تقولى كده كافية فى حارة فى العشوائيات او قهوة بلدى فى الزمالك:)))
لوست اوف
اسمحلى اقول حاجة الاول هو انتى صحيح لاقتى اللى بتدورى يا خوفى لتكونى كنت بتدورى عليه فى حتة ضلمة :)))
عموما كلمةو كان نفسى اقولهاو نرجع لموضوعناطبعا البلوج بتاعك كافية و اى كافية دة كافيه و ديكوره محتاج قعدة علشان اوصف فيه
ناردين
شكرا عموما على الكلام الحلو صحيح انتى كلامك كله حلو بس ساعات بيبقى حلو بزيادة وعلى فكرةساعات السكوت بيقول اكتر من الكلام و بعد اذنك اشكرى لى الجو على مرورها و تعليقها عندى كده الواحد حاسس انه بقى نفر من العيلة:)))
عادى يا كيمو لأنها كلها انعكاس لمجتمعنا غير المتجانس بالمرة ـ كلام كبير بقى ـ بس اللى بستغرب له بجد أن فيه بلوجات بتتكلم عن مصر كما لو كنت تقرأ فى بلوج واحد أمريكانى أو كندى يعنى حاجات كده أحيانا بقول لنفسى هو الكلام ده بيجرى فين، والناس دى تايهه ولا احنا اللى تايهين
أنت حطيت مجرد عينات بس متهيألى لأن فيه تصنيفات تانية كتيرة فى البلوجات
وتحياتى
ياباشا ده شئ يفرحني و الله حاجه عظيمه ان بلوجي لع تصنيف خاص ربنا يكرم اصلك ياستي
يعني مزيجا من القهوه البلدي و الكافيه كافيه
ياستي و لا يهمك نعمل اتنين واحد في العشوائيات و التاني في الزمالك انتي بس تؤموري
:))
العزيزة كيمو
بوست جميل وغير معتاد، بس يدل على خفة دم وعمق وتفهم
اتفق مع بلاك روز ان هناك تصنيفات اخرى، فمثلا البلوج الى بكتب فيه مذكراتى لا قهوة ولا كافيه ... ممكن نقول مجموعة من الحور والكائنات الاسطورية جالسة حول النيران فى الغابة
اماالاخرين فاعتقد انهن قد يكونوا كافيه وساعات قهوة بلدى حسب الظروف
بس بجد بجد بوست جميل
فى انتظار المزيد دوما
يا فندم و الله احرجتيني بكلامك الحلو ده و لو تشوفيني يعني و انا بقرا ردك تلاقي الابتسامة بقى ايه حدث و لا حرج يعني اشكرك جدا على تصنيفك الرقيق ده للمدونة بتاعتي.
و يا ستي ايوى لاقيته خلاص الحمد لله و يمكن فعلا كنت بدور عليه في حتة ضلمة او كان الدنيا نور بس انا كنت لسه لابسه نظارة شمس يعني بس اخيرا بعد لف و دوران و اروح هنا و هناك و بلاد تشيلني و بلاد تحطني لاقيته و ربنا يديموا عليا يارب
بجد من اجمل المدونات اللى شوفتها
هو اى نعم جالى حول و عمى الوان و لغايه دلوقتى عينى لسه مزغلله من الفونت الابيض فى اسود
بس عاامل جو :)
و ردا على كلام سيادتك ان اللى انتى ذكرتيه مش بينطبق على البلوجات بس ..تؤتؤ.. كأنك بتتكلمى عن الحياه
بس انتى نسيتى تذكرى حاجه.. ان فيه بلوجات شكلها بنت ناس اوى اه و هاى كلاس اوه لالاه..بس من بره هالا هلا و من جوه يعلم الله
ولا اييييييييييييه؟؟؟
7elw tasnifak awyyy
ya rab ye3gebak my blog:)
(http://www.beensoft.com)
السلام على الجميع **********************
الكل تعبان بالدنيا والكل يدور على المتعة والمتعة هى الكمبيوتر واجمل ما في الكمبيوتر النت والبلوجات والمواقع الممتعةوالوولبيبرات الرائعة منها الطبيعة الجميلة والسيارات والازهار والمدن والانميشن والماتورات والبنات ياسيدى البنات وجمالهم ارجو ان تمتعوا ناظركم بهن سيكسى وولبيبر هنا http://www.beensoft.com
Post a Comment