قبل ماحد يغلط و يقول اى حاجة او يمد ايده احب ان اوضح ان الاحداث الاتية خيالية و لا تمت ببصلة قصدى بصلة للواقع و ان اى تشابه بينها وبين الواقع هو مسئولية اللى شايف نفسه كدة و لامؤاخذة .
اليوم و كل يوم بنجاح كبير ان قررت انحرف طيب علشان الواحد ينحرف فى البلد دى يعمل ايه ؟ الغريب ان الواحد يفضل عامل نفسه اسد و ساعات الجد يبقى ميت فى جلده بس انا بجد المرة دى هانحرف يعنى هانحرف .
طيب انحرف فى الحقيقة يعنى على ارض الواقع و لاانحرف على النت برضه النت امان يعنى الواحد محدش شايفه بس انحراف النت كلام و الواحد عايز انحراف يكون كده على مستوى و يعمل دماغ كده يمكن ربنا يفتح عليه بكلمتين يكتبهم و يعمل شغل بس ربنا هيفتحها ازاى فى وش حد نفسه ينحرف ؟
طيب هانحرف فى الواقع بس هانحرف كده لوحدى منى لنفسى و دى خلقة حد ينحرف معاها برضه اذن حتما و لابد استعين بصديق بس مين بقى الصديق ده مراجعة صغيرة لقائمة الاصدقاء فى نافخوى لايوجد حد فى نطاق الخدمة قصدى مافيش حد يبدو عليه بتاع انحراف اصل اصحابى كلهم ولاد ناس طيبين و مالهومش فى اى نوع من الانحراف اقصى انحراف كان انهم مرة راحوا حفلة 9 فى السينما و انهم شربوا بيبسى ماكس ( ده اعلان مدفوع الاجر من الكشك الى تحت البيت) بالليل و معرفوش يناموا.
بعد تفكير عميق على مستوى انحرافى عال المستوى و اجتماعات متعددة الاطراف مع نفسى و نفسى الامارة بالسوء ونفس تانية كدة معرفش جت منين توصلت لهذا البيان الهام انا هانحرف و هانحرف لوحدى فى ارض الواقع و قد وقع الاختيار على انى اعمل دماغ انا (قررت اشرب حشيش (موسيقى تعبر عن الموقف و كلوز اب لا مش معجون الاسنان قصدى كلوز اب للورقة الى كتبت عليها القرار
تيترات النهاية للجزء الاول و موسيقى تصويرية من نوع حسرة عليها يا حسرة عليها
13 comments:
مساء الخييير
ليلتنا انس انشاء الله
لالالالا الا الانحراف انا بس بنبه عليكي اياكي و الانحراف مستحيل تنحرفي ابدا ابدا الا اما نكون سوا يعني استني كده نجتمع اجتماع قمة المقطم كده و نقرر ننحرف ازاي
حيث انك نويتى على الانحراف بشجاعة منقطعة النظير ممكن تبقى تسأليلى قرش الكابوتشينو بقى بكام ؟؟ الكابوتشينو ها ;)
اذا كان ممكن يعني تجطي في تيترات النهاية كمان مقطع من موسيقة كان بدري عليك عليك بدري
ايه ده احنا فينا من النداله و لا ايه
حتما و لابد اطلع معاكم المقطم و لا فيه اعتراض؟
اجنداة حمرا
مساءءءءءءءءءءءءءء الخير
لوست لوف
اظن كدة انكوا هتطلعوا المقطم لوحدكو اصل انا باخاف من المرتفعات بس ابقوا افتكرونى
سما
بصى يا ستى انا معرفتش سعر قرش الكابتشينو بكام بص اظن ان قرش اللاتيه ارخص
يابت بطلي جبن مرتفعات ايه اللي بتخافي منها
طب عيني في عينك كده
;)
لا يا كيمو مش هاطلع المقطم غير معاكي
و بعدين يا ستي احنا هاناخدها كده خطوة خطوة يعني نطلع فوق على مهلنا ماهو انا كمان بخاف من المرتفعات بس هو المقطم مرتفع اوي يعني
بقه كده يالوست لووف
ماشي اطلعوا لوحدكم بقه انا كده زعلت اهئ اهئ اهئ
ههههههههههههههههه
البووست ممتع و اللى امتع كمان الكومنتس اللى هنا
مسااااااء الخير مين؟؟
يااصبااااح اللى بتغنى يا باااشاا
وصلنا لقمه الانحراااف يا أبلتى :)
قشطة حشيش نفسى انحرف مرة واجرب الحشيش ،، اللى هتستندل منك ليها هعلقها على باب زويلة عايزين تنحرفوا ننحرف جمعاااااااء
البوست حلوة اوى وانتى بجد دمك خفيف
بس وحياة اى حد غالى كبرى الخط شوية نظرى هيضعف كدة يا جدعان :(
Post a Comment