الششششششششششششش اللى فات دى كان سببها انى اغمن عليا مع ان انا دماغى مصفحة بس الراجل ده ايده طرشة المهم خير اللهم ما اجعله خير انا لقيت نفسى فى مكان تانى اظن هى دى اللى بيقولوا عليها زنزانة بس ديكورها ظريف الحكومة عمالة الحيطة منقط ابيض و اسود هى الاضاءة مش و لابد بس اكيد الحيطة منقطة و فجاءة دن دن دن (دى الموسيقى التصويرية او فى رواية اخرى دقات قلبى من الرعب) اتفتح الباب قو م ايه القى ان النقط دى سيادتك قبائل من الصراصير بكل الاحجام و الاشكال. و قبل ما افوق من الصدمة كان فى ايد جابتنى و حدفتنى بره و ادخلتنى الاودة اياها تانى و جاء الصوت العاتفى اللى سمعته قبل كده يسالنى ايه الاخبار ؟
والله سيادتك انا كان نفسى بس ارجع الزنزانة تانى علشان اكمل الدراسة العملية للمراحل السنية المختلفة للصرصور هو سيادتك الصراصير اللى جواه دى عهدة و الله نزلاء زينا كده. بس و لو سيادتك مصر انى اروح اروح و الله فرصة لطيفة انى اتعرفت على سيادتك و سلامى للمدام و الاولاد و ابقوا تعالوا قضوا معنا يوم واوله كده ماشى اوكيه. الباشا ريح ايده على كتفى و انا استريحت مع ايده على الكرسى.
بصى بقى الهبل و العبط ده مش هينفع معنا و احنا عارفين انك جاسوسة و ان البلوج ده غطاء و الاقنعة و الالغاز اللى بتكتبى بها هى مجرد شفرة و احنا عارفنا نفكها و فهمنا كل حاجة .
انا طبعا فتحت بقى و تنحت و مخى شغال : اده انا طلعت جاسوسة و انا معرفش انا فعلا كنت شاكة فيا بقالى فترة تصرفاتى مريبة و ازاى عرفوا يفكوا الشفرة ده انا نفسى لحد دلوقتى موش بفهم نص اللى بكتبه
و فى محاولة اخيرة لفهم الموضوع بص ياباشا انا طول عمرى ماشية جنب الحيط و فى اوقات اكتر جواه الحيط و وراه كمان فى يوم طقت فى نافوخوى اعمل بلوج علشان اخرف فيه مع نفسى و موضوع الاقنعة و الكلام المستخبى ده و لا شفرة و لا حاجة انا بصراحة اخترعت اللعبة دى علشان لما اقرب من حد او حد يقرب منى اكون فى حاجة متحمية فيها يقوم لو طلع اى كلام يبقى انا ماتجرحش اصل لو انا مش انا يبقى ازاى هتجرح و الكلام ده كله مافوهوش غير شفرة و احدة بس شفرة هى انى كنت مجروحة من قلب و بدور على قلب يداوى جرح القلب الاولانى بس القلب التانى انا خفت منه قوى و اصل هو كمان مجروح من قلب تانى و ساعات المجروح بيجرح اكتر منى اى حد تانى وبعدين الموضوع كبر لان القلب الاولانى اللى جرحنى رجع تانى يصالحنى بس ازاى الواحد يخليى كل القلوب دى اه اه انا كمان مقلتش لسيادتك على القلب اللى جه فى النص ده بقى حكايته حكاية و انا طبعامستمرة احكى فى حكاوى القلوب اللى عرفتها سمعت الباشا بيقول فى اللاسلكى يا باشا البت بتاعة الجاسوسية دى لا طلعت جاسوسة و لا حاجة دى طلعت مجنونة لا يا فندم مش يتدعى الجنون دى مجنونة بجد و بتقول كلام غريب ..... حاضر يا فندم هاحولها على العباسية.
والله سيادتك انا كان نفسى بس ارجع الزنزانة تانى علشان اكمل الدراسة العملية للمراحل السنية المختلفة للصرصور هو سيادتك الصراصير اللى جواه دى عهدة و الله نزلاء زينا كده. بس و لو سيادتك مصر انى اروح اروح و الله فرصة لطيفة انى اتعرفت على سيادتك و سلامى للمدام و الاولاد و ابقوا تعالوا قضوا معنا يوم واوله كده ماشى اوكيه. الباشا ريح ايده على كتفى و انا استريحت مع ايده على الكرسى.
بصى بقى الهبل و العبط ده مش هينفع معنا و احنا عارفين انك جاسوسة و ان البلوج ده غطاء و الاقنعة و الالغاز اللى بتكتبى بها هى مجرد شفرة و احنا عارفنا نفكها و فهمنا كل حاجة .
انا طبعا فتحت بقى و تنحت و مخى شغال : اده انا طلعت جاسوسة و انا معرفش انا فعلا كنت شاكة فيا بقالى فترة تصرفاتى مريبة و ازاى عرفوا يفكوا الشفرة ده انا نفسى لحد دلوقتى موش بفهم نص اللى بكتبه
و فى محاولة اخيرة لفهم الموضوع بص ياباشا انا طول عمرى ماشية جنب الحيط و فى اوقات اكتر جواه الحيط و وراه كمان فى يوم طقت فى نافوخوى اعمل بلوج علشان اخرف فيه مع نفسى و موضوع الاقنعة و الكلام المستخبى ده و لا شفرة و لا حاجة انا بصراحة اخترعت اللعبة دى علشان لما اقرب من حد او حد يقرب منى اكون فى حاجة متحمية فيها يقوم لو طلع اى كلام يبقى انا ماتجرحش اصل لو انا مش انا يبقى ازاى هتجرح و الكلام ده كله مافوهوش غير شفرة و احدة بس شفرة هى انى كنت مجروحة من قلب و بدور على قلب يداوى جرح القلب الاولانى بس القلب التانى انا خفت منه قوى و اصل هو كمان مجروح من قلب تانى و ساعات المجروح بيجرح اكتر منى اى حد تانى وبعدين الموضوع كبر لان القلب الاولانى اللى جرحنى رجع تانى يصالحنى بس ازاى الواحد يخليى كل القلوب دى اه اه انا كمان مقلتش لسيادتك على القلب اللى جه فى النص ده بقى حكايته حكاية و انا طبعامستمرة احكى فى حكاوى القلوب اللى عرفتها سمعت الباشا بيقول فى اللاسلكى يا باشا البت بتاعة الجاسوسية دى لا طلعت جاسوسة و لا حاجة دى طلعت مجنونة لا يا فندم مش يتدعى الجنون دى مجنونة بجد و بتقول كلام غريب ..... حاضر يا فندم هاحولها على العباسية.
7 comments:
في اول الموضوع كده خفت على الصراصير منك
قصدي يا بنتي خفت عليكي من الصراصير الحمدلله انهم خرجوكي من الاودة دي اول ما فقتي
بس سؤال يعني ماكنش في حاجه كده و لا كده نطت جوا هدومك اصلي بصراحة بخاف من الصراصير جدا و خصوصا الامريكي منها
هي كانت جنسياتها ايه و لا مالحقتيش تشوفي صح طيب مش مهم
بقى كان في قلب اولاني جرح قلبك و كمان رجع يصالحك يا قلبه يا شيخه
يا بنتي توهتي الظابط الهمام و لخبطيني انا شخصيا رغم اني معروفة في عالم اللف و الدوران بالذكاء الحاد
بس حضرتك يعني طلعتي استاذه كبيرة و لازم نتعلم منك
اعتقد كده انك عملتي مجنونة بس عشان تخرجي من الموقف اللي انتي فيه ده حاجه كده زي فيلم
Primal Fear
لو روحتي العباسية هابقى اجي ازورك اكيد
mashy ya wad ya dema3' ;)
ya bnty ana ka2ny batfarag 3ala film :) )
gamed
لأ أستطيع أضافة كلمه
أسلوبك ساخر و قوي جدا
مما يسحتمل الف معني بين السخريه والالم
فكّيت بطارية الموبايل
واتأكدت ان مفيش اي سماعات او كاميرات مراقبة ف المكان
وقعدت ألف ورا التعلب فات فات
عشان اتأكد ان مفيش حد ماشي ورايا
..
ايه يا معلّم الكلام الكبير دا
جاسوس ومغامرات ومخاطر وقلوب جارحة ومجروحة فتجرح بجرحها
الكلام دا كبير
..
..
بجد اسلوبك جميل ويجنن
وخلي بالك القلب اللي مشغول بغيرك او لسه عايش ف جرح تاني سيبك منه
لو القلب الاولاني جه يصالحك وانتي بتحبيه بجد
والقلب بيحبك بجد
يبقى يا بخت من وفق قلبين في سعادة
..
بصي انتي عارفة نظراً لان انا مصرية
واحنا شعب يحب يعرف التفاصيل احياناً وعنده فضول فظيع ومناخيره بتطول كل جيل اكتر من اللي قبله
..
خلينا ف مواضيع القلوب واحكي
ولو مش عايزة قلوب
نمشيها دباديب
لكن يكرمك ربنا بلاش الاقنعة طالما بتدخلنا ف ادهم صبري وملف الجاسوسية
..
ياللا رغيت وزهقتك
بس اصل كان كلامك واحشني
تحية ليكي ولكل قلوبك
السلام عليكم
لهذا الحد الاحساس بالتوهة واخدك بين الحقيقة المرفوضة والجنون الذى ترتضية كحل يخرجك من أزماتك
دعك من الصراع وحاولى أن تتلمسى طريق الحق وضعى قدمك على أول الطريق واختارى لنفسك صحبة تعينك على الحق
تحياتى
ايه حكاية الزنزانة معاكوا انتى واجندة حمرا
ايه توارد الخواطر ده اللى مرة واحدة
ربنا ميجيب حبس ولا صراصير ان شاء الله
وجبتى ال
ID
ولا لسه ؟
:)
Post a Comment