كان مرة فيه نقطتين مياه فى البحر كانوا مع بعض على طول الموجة تجيبهم و توديهم و هم مع بعض ينزلوا قاع البحر يطلعوا على الرملة شوية لحد ما يوم الشمس جت و اتبخروا و بقوا نقطتين مطر فى سحابة كبيرة. كانوا خايفين لكن احتمو فى بعض و حلموا انهم هيكونوا قطرتين ندى على خد وردة جميلة او جنب زرعة عليلة لكن فى يوم الريح كانت شديدة و الرعد وا لبرق اشتدوا عليهم و الدنيا مطرت و كل نقطة بعيد عن التانية و نزلوا على ارض اسفلت و بقوا مجرد نقطتين مطر توتة توتة فرغت الحدوتة.
يا ترى احنا نقطتين مطر يا محمد؟ سالته و هى تتطلع الى رده بلهفة فاخذ نفسا عميقا من سيجارته قبل ان يلقيها فى البحر الممتد امامه و زفر دخانها مع رد اجوف : جايز. و كان كلما ياتى الشتاء و المطر تركن راسها على كتفه و تطلب ان يحكى لها قصة نقطتين المطر و عندما ينتهى كانت تتنهد تنهيدة عميقة احيانا و احيانا تنفجر فى البكاء او تنساب دموعها فى صمت. و لكن فى اغلب الاحيان تقفز من جواره فى حماس و تطبع قبلة على جبينه قائلة بس احنا مش هنفترق ابدا يا محمد.
و تمضى الايام و يحاول محمد ان يبدل الحكاية باخريات فتنصت بلا اهتمام ولكن عندما ياتى المطر لا ترضى بديلا لقصة قطرتين المطر. و ظلوا هكذا ايام و شهور و سنين ياتى الشتاء و ياتى المطر و هى تطلب القصة و تبكى تارة او تتنهد اخرى و فى معظم الاحيان تضحك و توكد انهم لن يفترقا. حتى جاء الشتاء و جاء المطر و جلس محمد على الصخر وحيدا امام البحر و صوتها الضاحك مرددا بس احنا مش هنفترق ابدا يا محمد !! يتردد صداه يكاد يصم اذناه يثير جنونه و يبكى و يبكى حتى لا يعرف دموعه من قطرات المطر و يعلو صوته و هو يججف دموعه كان فيه مرة نقطيتن مطر........
منقول بموافقة صاحبة البلوج meaninglesslines.bolgspot.com
19 comments:
لابد ان يتمسك كل منهم بالأخر ويحدث انجذاب بينهما كلما نفر أحد جذبه الأخر اليه حتى يظلا معا
يعنى هو محمد مش بيعرف يفكر الا لما يشرب سيجارة
تحياتى
تخيل كل بحر فيه كام نقطتين؟؟؟؟
ya but
what happened to her
بصى
هو البوست ده حلو
بس بوستاتك انتى احلى برضه
:)
يعنى من الآخر انتى ابداعاتك من احلى الحاجات اللى بقراها على المدونات
بقى يبقى عندك وتشترى من بره ؟
مش عيب برضه ؟
عزيزتي كيمو
فعلا قصه مؤثره بس ليه يابنتي وجع القلب ده ماكنا حلوين و بدأنا نهيس
ارجعي بقه للتهييس الواحد مش ناقص غم
الطائر الحزين
ده كان اعلان سجاير بس انا شلت اسم اللى مكتوب على العلبة علشان يدفعوا المبلغ اللى كنت طلبها:)))
abo elfadl
I tried to count but I had no time:)))
he and she :
I have no idea :))) يمكن زهقت منه و رمت نفسها فى البحر
mirage:
I thought that you would like this post :(( but really I thank you for the nice words you said youu made my day
اجندا
التهييس هو مسئولية كل مهييس و انا صحتى مش بتيجى غير على النكد
كيمكو العزيزة
اشكرك انك نقلتي القصة الحلوة دي عجبتني فعلا
بتمنى ان ما حدش يفترق عن اللي بيحبهم ابدا
الفراق فعلا وحش اوي
جميل جدا البوست
تحياتي
بوست جميل اوى بجد
وأجمل حتة عجبتنى كلمة جايـــز اللى قالها لانها اكثر رد واقعية لان حياتنا كلها تتمحور حول كلمة جايز وعلى رأى منير احنا النهاردة سوا وبكرة هنكون فين فى الدنيا .
النهايات المفتوحة جميلة تطلق العنان للتخمين والتفكير ولكن احيانا التفكير بيكون مؤلم وخصوصا لو زي القصة دى انتهت بوجود احد الطرفين وحيد .
هى اللى كتبت القصة دى موزعتش معاها ورق مناديل ؟ :(
تحياتى
يا سما
حمدالله على سلامتك
هى ناردين لسه عايشة ولا ايه ؟
سليميلى عليها كتير وقوليلها ان مدونتها واحشانى جدا جدا جدا
فوق ماتتخيل
باشا Mirage
الله يسلمك يا جميل والله فيك الخير انك لسة فاكرنا وبتسأل ، ناردين عايشة ومنورة الدنيا وحياتى كلها ، واحب اقولك انى اخيرا اقنعتها انها ترجع تفتح المدونة تانى لانى انا شخصيا افتقدت كتاباتها مووووووووووت وكنت اكتر واحدة مكتئبة من قرارها انها تقفلها ، يعنى دا كل من هب ودب بقى عامل مدونة وعايش فى دور عباس محمود العقاد يبقى واحدة بالاحساس والثقافة دى تقفلها ؟؟ المهم يعنى انتظرنا فى خلال اليومين الجايين انشاء الله هنرجع تانى بس على فكرة هيبقى فيه يافطة مكتوب عليها ممنوع دخول السحالى والجملة دى انا كتباها لاى واحدة نسيت فجأة انها سحلية ولبست توب الحمل هتلاقينى دايما يا حرام واقفة لها بمرايا كبيييييرة فى ايدى اوريها فيها حقيقتها وزى ما انت عارف السحالى كبيرهم سابوه بكعب وعلى دماغهم طاااااخ :))))
على فكرة مدونتك جامدةاوى وانا بحب اسلوبك ونقدك الجرىء جدااااااا
تحياتى لك يا قمر
كيمو يا جميلة
معلش قلبت البلوج عندك شات رووم بس معلش بقى يا قمر الحماس خدنى مع العزيز ميراج
raw3a ya kimo ya gamila
bamout fe ketbatk ya 3asal
touching words :(
السلام عليكم : احب اقول بجد ان المدونه جميله اوى والبوست دة لذيذ ويارب تقدمى كل جديد هستنى تعليقك ف المدونه بتاعتى
Post a Comment